زیرالتواء مقدمات کی تعداد 58ہزار 487پرپہنچ گئی
اسلام آباد (الفجر آن لائن) سپریم کورٹ میں زیر التوا مقدمات کی تعداد 60ہزار سے کم ہوکر 58ہزار 487پرپہنچ گئی ۔ سپریم کورٹ نے 16سے 30نومبر تک زیر التواء مقدمات کی رپورٹ جاری کر دی ۔ رپورٹ کے مطابق گزشتہ 15دنوں میں674مقدمات مزید کم ہوئے ہیں جبکہ 31ہزار 458سول اور 10ہزار 208فوجداری اپیلیں زیر التوا ہیں۔رپورٹ کے مطابق سپریم کورٹ میں 18از خود نوٹسز ،2209سول نظرثانی درخواستیں ،ایچ آر سیل کی136درخواستیں اور 3ہزار 251جیل پٹیشنز زیر التوا ہیں۔
