احمد پور شرقیہ(الفجر آن لائن) ٹریفک حادثے میں سابق رکن قومی اسمبلی مخدوم سید علی حسن گیلانی سمیت 2افراد جاں بحق ہوگئے۔ریسکیو حکام کے مطابق بہاولپور کی تحصیل احمدپور شرقیہ کے علاقہ نبی پور احمد پور روڈ پر تیز رفتاری کے باعث مخدوم سید علی حسن گیلانی کی گاڑی بے قابو ہو کر سڑک کنارے کھڑے منی ٹرک سے جا ٹکرائی جس کے باعث ان سمیت دو افراد موقع پر جاں بحق ہوگئے جبکہ 2 دوست شدید زخمی ہوگئے ۔ ریسکیو حکام نے نعشوں اور زخمیوں کو ٹی ایچ کیو ہسپتال احمدپور شرقیہ منتقل کردیا ہے۔
