33 کو بحفاظت نکال لیا گیا، 4کی لاشیں برآمد، دیگر کی تلاش جاری
قاہرہ (الفجر آن لائن) مصر میں سیاحوں کو بحیرہ احمر کی سیر کروانے والی کشتی الٹنے سے 44سیاح ڈوب گئے۔ غیر ملکی میڈیا کے مطابق مصری حکام نے سیاحوں کو 5روزہ ٹرپ پر بحیرہ احمر کی سیر کروانے لے جانیوالی کشتی کے حادثے کی اطلاع ملتے ہی ریسکیو آپریشن شروع کردیا، 33سیاحوں کو بحفاظت نکالا جا چکا ہے جبکہ 4کی لاشیں برآمد ہوئی ہیں اور دیگر کی تلاش جاری ہے جن کے زندہ ملنے کے امکانات معدوم ہوتے جا رہے ہیں۔مصری حکام کے مطابق تاحال کشتی ڈوبنے کی حتمی وجہ کا تعین نہیں کیا جا سکا تاہم محکمہ موسمیات نے حادثے سے قبل خراب موسم اور سمندر میں اونچی لہریں پیدا ہونے سے خبردار کیا تھا۔ابتدائی تحقیقات کے مطابق ایک اونچی اور طاقتور لہر سے ٹکرانے کے بعد صرف 5سے 7منٹ کے درمیان کشتی سمندر میں ڈوب گئی تھی۔
