رواں سال چھتیس گڑھ میں سرچ آپریشن کے نام پرقتل ہونے والے افراد کی تعداد 257 ہو گئی
نئی دہلی(الفجر آن لائن)بھارتی ریاست چھتیس گڑھ میں بھارتی فوج نے سرچ آپریشن کی آڑ میں 10 افراد کوعلیحدگی پسند نکسل باغی قرار دیکر ماورائے عدالت قتل کر دیا بھارتی میڈیا کے مطابق فوج کے ترجمان نے دعویٰ کیا ہے کہ علی الصبح بھنڈارپدر کے جنگلاتی علاقے میں نکسل باغیوں کے ٹھکانے پر کارروائی کی گئی۔ بیان میں کہا گیا ہے کہ فائرنگ کے تبادلے میں 10 نکسل باغی مارے گئے جب کہ سیکیورٹی فورسز کے 2 اہلکار بھی زخمی ہوئے جن میں سے ایک کی حالت نازک ہے۔ بھارتی فوج نے دعوی کیا کہ سرچ آپریشن میں ہتھیاروں کا ایک بڑا ذخیرہ پکڑا گیا دوسری جانب علاقہ مکینوں کا کہنا ہے کہ سیکیورٹی فورسز نے گرفتاری کے بعد ان افرد کو گولیاں مار کر لاشیں پھینک دیں۔بھارتی وزیر داخلہ امیت شاہ کا کہنا ہے کہ ریاست چھتیس گڑھ کو 2026 تک مکمل طور پر نکسلی باغیوں سے پاک کردیا جائے گا،رواں برس تاحال 257 نکسل باغی مارے گئے جب کہ 861 کو گرفتار کیا گیا اور 789 دیگر نے ہتھیار ڈال کر خود کو پولیس کے حوالے کردیا۔
