اسلام آباد (الفجر آن لائن) تجارت معطلی کے باوجود حکومت کے ابتدائی 8 ماہ سے بھارت سے درآمدات میں چوتھی بار اضافہ ہوگیا۔ وزارت تجارت کے مطابق رواں مالی سال اکتوبر میں مسلسل تیسرے ماہ بھارت سے درآمدات میں اضافہ ریکارڈ ہوا۔ذرائع کے مطابق اکتوبر 2024 میں بھارت سے سالانہ بنیاد پر درآمدات میں 46فیصد کا اضافہ ہوا، اکتوبر میں بھارت سے درآمدات کا حجم 3کروڑ 58لاکھ ڈالرز رہا۔ذرائع کے مطابق ستمبر 2024 میں سالانہ بنیاد پر بھارت سے درآمدات میں 45فیصد اضافہ ہوا تھا جبکہ اگست 2024ء میں سالانہ بنیادوں پر بھارت سے درآمدات 5فیصد بڑھی تھیں۔ذرائع کے مطابق اکتوبر 2023 میں بھارت سے درآمدات 2کروڑ 45 لاکھ ڈالرز تھیں۔ حکام کے مطابق پاکستان نے اگست 2019ء میں بھارت کے ساتھ تجارت معطل کردی تھی تاہم بعد میں تجارت میں نرمی کرتے ہوئے پاکستان نے بھارت کیساتھ زندگی بچانے والی ادویات کی تجارت کی اجازت دے دی تھی۔
